दोहोरो झडपमा युवकको मृत्यु

रासस, धनगढी, श्रावण २३ - कैलालीको मालाखेती गाउँ विकास समिति-८ गोदावरीमा दुई समूहबीच झडप हुँदा एक युवकको मृत्यु भएको छ ।
महेन्द्रनगरबाट वनभोज खान गोदावरी आएको युवकहरूको एउटा समूह र मालाखेतीका युवकहरू सम्मिलित अर्को समूहबीच भएको झडपमा मालाखेती-७ का २० वर्षीय जङ्गबहादुर गुरुङको मृत्यु भएको प्रहरीले जनाएको छ ।

गुरुङको हत्यामा संलग्न रहेको अभियोगमा महेन्द्रनगरका करन चन्द र हेमराज जोशीलाई पक्राउ गरिएको छ ।

यसैबीच, हत्याको विरोधमा मालाखेतीका युवाले पूर्वपश्चिम राजमार्गको अत्तरियाचोकमा प्रदर्शन गरी यातायात अवरुद्ध पारेका छन् ।