डढेलोले पर्यटकीयस्थल रेसुङ्गा जोखिममा

१४ वैशाख, गुल्मी । गुल्मीको प्रसिद्ध ऐतिहासिक, धार्मिक तथा पर्यटकीय स्थल रेसुङ्गा जङ्गलमा हिँजोदेखि लागेको आगो अहिलेसम्म नियन्त्रणमा आउन सकेको छैन । आगलागीले जङ्गलको माथिल्लो भागमा रहेको प्रसिद्ध धार्मीक, ऐतिहासिक तथा पर्यटकीयस्थल रेसुङ्गा क्षेत्र जोखिममा परेको छ ।


जिल्लाकै सबैभन्दा ठूलो बन अन्तर्गत पर्ने सो बनको पराल्मी गाविसको १ देखि ५ नम्बर वडासम्म फैलिएको जङ्गल क्षेत्रमा हिँजो साँझदेखि भिषण आगलागी भइरहेको हो । जिल्ला बन कार्यालयका रेन्जर कर्ण पान्डेका अनुसार वनक्षेत्रमा रहेका मृग, बाघ, चितुवा, कालीजलगायतका पशुपंछीको बासस्थान र महत्वपूर्ण जडिबुटी नष्ट भएको छ ।

गतवर्ष पनि सो क्षेत्रमा लागेको आगो चार दिनको प्रयासपछि नियन्त्रणमा आएको थियो । यसैगरी सल्यान हिवल्चा गाविस- ३ को देउराली सामुदायीक बनबाट फैलिएको डढेलोले स्थानीय रातो रोकाको घर जलेको छ । (अनलाइनखबर)